Արևմուտքում մարդիկ ավելի շատ են քնում, քան Արևելքում

Արևմտյան երկրներում մարդիկ միջինը քնում են 7-8 ժամ՝ այն դեպքում, երբ մարդկանց քնի տևողությունը արևելյան երկրներում՝ 7 ժամից էլ ավելի պակաս է: Այդ դիտարկումները ստուգելու համար գիտնականները անցկացրել են նոր հետազոտություն՝ համեմատելով Սինգապուրի ու Մեծ Բրիտանիայի բնակիչների օրական ակտիվությունն ու ստացված տվյալները հրապարակել են  Frontiers in Neurology ամսագրում:

Հետազոտվող խմբում ընդգրկվել էին 18-35 տարեկան Սինգապուրի մեծահասակներ (1898 մարդ) և Մեծ Բրիտանիայի 837 քաղաքացի:

Արդյունքներն անսպասելի էին: Սինգապուրի բնակիչները, որտեղ արևն ավելի վաղ է ծագում, քան Բրիտանիայում, ամենևին էլ իրենց քնի ռեժիմով «արտույտներ» չէին, ընդհակառակը՝ ավելի շատ «բվեր» էին:

Աշխատանքային օրերին նրանք արթնանում էին այն ժամին, ինչ Բրիտանիացիները (մոտավորապես ժամը 8-ին), սակայն ավելի ուշ էին քնում:

Ճիշտ է, հետազոտության արդյունքները կան, սակայն գիտնականները տարակուսանքի մեջ են, թե արդյո՞ք կարելի է երկու երկրի փորձը տարածել մյուս երկրների վրա:

Հարցեր, պատասխաններ, մեկնաբանություններ